اسلام آباد : پی ٹی آئی کے سابق رہنما فواد چوہدری کو اسلام آبادسے گرفتار کرلیا گیا ، ان کی اہلیہ حبا فواد نے شوہر کی گرفتاری کی تصدیق کردی ہے۔
تفصیلات کے مطابق پاکستان تحریک انصاف کے سابق رہنما فواد چوہدری کو اسلام آباد میں گھرسے گرفتار کرلیا گیا۔
سابق وزیر کی اہلیہ نے شوہر کی گرفتاری کی تصدیق کرتے ہوئے کہا ہے کہ فواد چوہدری کو کہاں منتقل کیا گیا کچھ معلوم نہیں۔
Fawad Arrested and taken to unknown place.
— Hiba Fawad Chaudhary (@HibaFawadPk) November 4, 2023
یاد رہے رواں سال 10 مئی کو تحریک انصاف کے سابق رہنما فوادچوہدری کو سپریم کورٹ اسلام آباد کے باہر سے گرفتار کیا گیا تھا ، پولیس نے انہیں 16ایم پی او کے تحت گرفتار کیا تھا۔
بعد ازاں 16 مئی کو عدالت نے فواد چوہدری کو رہا کرنے کا حکم دیا اور 24 مئی کو سابق وفاقی وزیر فوادچوہدری نے پاکستان تحریک انصاف چھوڑنے کا اعلان کیا تھا۔
