لاہور : چینی قونصل جنرل ژاؤشیرین کا کہنا ہے کہ چین کا غزہ پر موقف واضح ہے۔ مسئلہ فلسطین کا حل دوعلیحدہ ریاستوں کا قیام ہے۔

تفصیلات کے مطابق چینی قونصل جنرل ژاؤشیرین نے اے آر وائی نیوز کو خصوصی انٹرویو دیتے ہوئے کہا اسرائیل حماس جنگ کے بارے میں کہا کہ غزہ پر چین کی پالیسی کلیئرہےکہ اس کا حل 2علیحدہ ریاستوں کا قیام ہے، چینی قوم اور حکومت فلسطینیوں کے لئے ہمدردی رکھتی ہے۔

چینی قونصل جنرل کا کہنا تھا کہ فلسطینی پورا حق رکھتے ہیں کہ وہ مشرق وسطی میں علیحدہ ریاست قائم کریں۔

ژاؤشیرین نے کہا کہ روایتی اورتاریخی طور پر یہ علاقہ فلسطینیوں کا وطن ہے، ہم سویلین پر طاقت کےاستعمال اورجانوں کے ضیاع کےخلاف ہیں، مسئلے کا حل طاقت کا استعمال نہیں بلکہ عالمی ثالثی میں مذاکرات ہیں۔

ان کا مزید کہنا تھا کہ چین نے اپنا خصوصی نمائندہ بھی وہاں بھیجا تاکہ ثالثی سےحل نکل سکے، فلسطین کےمعاملے پر ہماری پالیسی تاریخ کی درست سمت کی طرف ہے۔