میکس ویل کی شاندار اننگز پر دنیائے کرکٹ حیرت زدہ ہے، سابق کرکٹ اسٹارز بھی میکس ویل کی اس تاریخی ڈبل سنچری پر انگشت بدنداں ہیں اور انھیں خراج تحسین پیش کیا ہے۔
تفصیلات کے مطابق آئی سی سی کرکٹ ورلڈکپ میں آسٹریلیا او افغانستان کے خلاف ہونے والا میچ اب تک کا سب سے تاریخی اور سانسوں کو روک دینے والا مقابلہ تھا۔ ایک مرحلے پر آسٹریلین ٹیم کے 91 رنز پر 7 وکٹیں گر چکی تھیں اور ان کی شکست کے آثار واضح تھے۔
تاہم پھر میکس ویل کا جادو ایسا چلا کہ شائقین اور ماہرین نے اب تک کی ون ڈے انٹرنیشنلز کی تاریخ ساز اننگز کا مشاہدہ کیا۔ گراؤنڈ کا کوئی کونہ ایسا نہ تھا جہاں میکس ویل نے گیند کو نہ پہنچایا ہو اور افغان بولرز کو نہ دھویا ہو۔
افغانستان کی جانب سے دیے گئے 291 رنز کے ہدف کے تعاقب میں میکس ویل کی حیران کن اننگز کی بدولت آسٹریلیا نے 19 بالز قبل ہی یہ ہدف حاصل کرلیا۔ آسٹریلین بیٹر نے شاندار اور ناقابل شکست 201 رنز کی اننگز کھیلی۔
سابق پاکستانی کرکٹر شعیب اختر نے ایکس پر ٹوئٹ کرتے ہوئے کہا کہ ’میکس ویل کی یہ اننگز دیکھنا ایک اعزاز کی بات ہے، یہ ون ڈے کی سب سے بہترین اننگز رہی۔
It was an honor witnessing this mental & physical genius of @Gmaxi_32 .
Its one of all time great ODI innings. #AUSvsAFG— Shoaib Akhtar (@shoaib100mph) November 7, 2023
بھارتی کرکٹر عرفان پٹھان نے کہا کہ کچھ میچ وننگ اننگز ایسی ہوتی ہیں کہ بس آپ کھڑے ہوتے ہیں اور تالیاں بجاتے ہیں، میکس ویل کی اننگز زندگی بھر یاد رہے گی۔
Some match winning innings are such that you just stand up and applaud. An inning to remember for lifetime by Maxwell 👏 👏 #AUSvAFG pic.twitter.com/zoCQeztbBE
— Irfan Pathan (@IrfanPathan) November 7, 2023
ایک اور سابق کرکٹر ویریندر سہواگ نے ایکس پر اپنے خیالات کا اظہا کرتے ہوئے کہا کہ ہدف کا تعاقب کرتے ہوئے کسی بیٹر کی جانب سے 200 رنز بناتے دیکھا، میکس ویل نے ون ڈے کی سب سے بہترین اننگز کھیلی۔
Saw this coming. 200 in a run-chase, One of the all time great one day innings by Maxwell. @Gmaxi_32 was a man possessed and
great support by @patcummins30 . An innings to remember for a long long time . #AUSvsAFG https://t.co/ClOM3NdSJf pic.twitter.com/nQ8uNVh1af— Virender Sehwag (@virendersehwag) November 7, 2023
سنجے منجریکر نے کہا کہ ہم نے آج کی رات وہ دیکھا جو اس سے پہلے 146 سالوں میں کبھی نہیں ہوا، آج یہ میکس ویل نے کردکھایا۔
Last night we saw an event that’s never happened before in 146 years! Tonight this!
Maxwell!!!! 🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏— Sanjay Manjrekar (@sanjaymanjrekar) November 7, 2023
ان کرکٹرز کے علاوہ ایس بدری ناتھ، عبدالصمد، سندیپ لامیچانے، ابھینو میکنڈ اور ٹائمل ملز سمیت دیگر کرکٹرز نے بھی آسٹریلوی بیٹر گلین میکس ویل کی اس اننگز پر خوب تعریف کے ڈونگرے برسائے۔
This was a Big show 👌 Take a bow @Gmaxi_32 #CWC23
— S.Badrinath (@s_badrinath) November 7, 2023
THE.GREATEST.INNINGS.EVER. #AUSvsAFG #Maxwell phewwwww….
— Abhinav Mukund (@mukundabhinav) November 7, 2023
