پاکستانی روپے کے مقابلے میں امریکی ڈالر کی قدر میں گزشتہ 12روز سے مسلسل اضافے کا رجحان برقرار ہے، انٹربینک مارکیٹ میں آج بھی روپے کی قیمت مزید گرگئی۔
اسٹیٹ بینک کی سماجی رابطے کی ویب سائٹ ایکس (ٹوئٹر) پر جاری اعداد و شمار کے مطابق آج روپے کے مقابلے میں انٹر بینک میں ڈالر 51 پیسے مہنگا ہوا ہے۔
Interbank closing #ExchangeRate for todayhttps://t.co/YdjtZG4oee#SBPExchangeRate pic.twitter.com/07WwIsUvhZ
— SBP (@StateBank_Pak) November 8, 2023
- Advertisement -
انٹربینک میں کاروبار کے اختتام پر ڈالر کا بھاؤ 286 روپے 90 پیسے پر ہوا جبکہ گزشتہ روز انٹربینک تبادلہ میں ڈالر کا بھاؤ کاروبار کے اختتام پر 286 روپے 39 پیسے تھا۔
اس کے علاوہ انٹربینک میں رواں ہفتے ڈالر 2 روپے 59 پیسے مہنگا ہوا ہے۔ دوسری جانب اوپن مارکیٹ میں ڈالر کی قیمت 287 روپے 50 پیسے پر برقرار ہے۔
