نگران وزیراعظم پاکستان نے پاکستان کرکٹ بورڈ کے معاملات اور کارکردگی کے حوالے سے اپنے خیالات کا اظہار کیا ہے۔
ایک تقریب کے دوران انوار الحق کاکڑ سے سوال کیا گیا کہ آئی سی سی ورلڈکپ میں سری لنکا کی ٹیم نے ناقص کھیل کا مظاہرہ کیا جس پر حکام نے ایکشن لیا جبکہ اس کے برعکس پاکستان میں حکام کو توسیع دے دی گئی۔
نگراں وزیراعظم پاکستان نے صحافی کے اس غیر رسمی سوال کا جواب دیتے ہوئے کہا کہ ہم نہیں چاہتے تھے کہ کسی ایکشن سے کرکٹ ٹیم کی کارکردگی پر اثر پڑے۔
- Advertisement -
انوار الحق کاکڑ کا مزید کہنا تھا کہ ویسے بھی تین ماہ بعد نئی حکومت اقتدار سنبھالے گی، وہی پاکستان کرکٹ بورڈ کے معاملے بھی دیکھے گی۔
نگراں وزیرِ اعظم کا کرکٹ بورڈ کے معاملات کے حوالے سے یہ بھی کہنا تھا کہ ہم کیوں کسی اور کی ذمے داری اپنے اوپر لیں۔
