عمر کے اضافے کے ساتھ ساتھ آنکھوں کی بینائی متاثر ہونے لگتی ہیں اس کی شدت میں اضافے کو کم کرنے یا کنٹرول کرنے کیلئے نظر کا چشمہ لگوانا لازمی امر ہے۔
کچھ لوگ نظر کمزور ہونے کے باوجود چشمہ لگانے سے گریز کرتے ہیں، شاید اس لیے کہ ان کو اپنے چہرے پر چشمہ اچھا نہیں لگتا یا پھر وہ بغیر چشموں کے زیادہ آرام دہ محسوس کرتے ہیں۔
نظر کا چشمہ بنوانے کیلئے کن باتوں کا خیال رکھنا یا کون سی احتیاط کرنا لازم ہے اس حوالے سے اے آر وائی نیوز کے پروگرام باخبر سویرا میں ٹیلی ویژن کے معروف اداکار اور آپٹکس ایاز خان نے ناظرین کو اپنے مفید مشوروں سے آگاہ کیا۔
انہوں نے کہا کہ نظر کے معاملے کو ہرگز نظر انداز مت کریں خاص طور پر بچوں کا خاص خیال رکھیں، ہمارے پاس جو لوگ اپنے بچوں کو لے کر آتے ہیں ان کے معائنے کے بعد یہ نتیجہ نکلتا ہے کہ موبائل فون ان کی نظر خراب ہونے کی بڑی وجہ ہے۔
ان کا کہنا تھا کہ موبائل فون یا کمپیوٹر کی اسکرین کے استعمال کا دورانیہ بھی بینائی پر اثرانداز ہوسکتا ہے، ایک دن میں مسلسل دو گھنٹے یا اس سے زائد وقت ڈیجیٹل اسکرین کو دیکھتے ہوئے گزارنا ڈیجیٹل آئی اسٹرین کا باعث بن سکتا ہے۔
ان کا کہنا تھا کہ چشموں کے انتخاب اور اس کی کوالٹی کے معاملے میں کسی قسم کی کوتاہی یا کنجوسی کا مظاہرہ نہ کریں جس طرح کپڑوں اور دیگر چیزوں میں ہم برانڈز کو امیت دیتے ہیں اسی طرح چشمے بھی اچھے اور معیاری استعمال کریں۔
انہوں نے کہا کہ نظر کے معاملے کو ہرگز نظر انداز مت کریں خاص طور پر بچوں کا خاص خیال رکھیں، ہمارے پاس جو لوگ اپنے بچوں کو لے کر آتے ہیں ان کے معائنے کے بعد یہ نتیجہ نکلتا ہے کہ موبائل فون ان کی نظر خراب ہونے کی بڑی وجہ ہے۔
ان کا کہنا تھا کہ موبائل فون یا کمپیوٹر کی اسکرین کے استعمال کا دورانیہ بھی بینائی پر اثرانداز ہوسکتا ہے، ایک دن میں مسلسل دو گھنٹے یا اس سے زائد وقت ڈیجیٹل اسکرین کو دیکھتے ہوئے گزارنا ڈیجیٹل آئی اسٹرین کا باعث بن سکتا ہے۔
انہوں نے بتایا کہ چشمہ پہننے اور اتارنے کیلئے دونوں ہاتھوں کو استعمال کریں ورنہ اس کے الائمنٹ کے خراب ہونے کا زیادہ خدشہ ہوتا ہے اور اس کو سیدھا رکھیں تاکہ شیشے پر خراشیں نہ پڑیں۔
ایاز خان نے کہا کہ چشموں کے انتخاب اور اس کی کوالٹی کے معاملے میں کسی قسم کی کوتاہی یا کنجوسی کا مظاہرہ نہ کریں جس طرح کپڑوں اور دیگر چیزوں میں ہم برانڈز کو اہمیت دیتے ہیں اسی طرح چشمے بھی اچھے اور معیاری استعمال کریں۔
