اسلام آباد : الیکشن کمیشن نے انتخابی افسران کے سروس ریکارڈکی چھان بین کا فیصلہ کرلیا اور کہا بہترین شہرت والے افسر ڈی آراو اور آر او بنیں گے۔
تفصیلات کے مطابق عام انتخابات 2024 کی تیاریاں جاری ہے ، الیکشن کمیشن نے انتخابی افسران کےسروس ریکارڈ کی چھان بین کافیصلہ کرلیا۔
ذرائع الیکشن کمیشن نے بتایا ہے کہ بہترین شہرت کے حامل افسران کو ڈی آراو، آر اوتعینات کیاجائےگا، آراوزکے لیے منتخب کیے گئے افسروں کے سروس ریکارڈ کی مکمل پڑتال کی جائے گی۔
ذرائع کا کہنا ہے کہ الیکشن کمیشن نے ڈی آر اوز اور آر اوز کی تعیناتی کے لیے رولز میں تبدیلی کر دی، الیکشن کمیشن نے افسران کی بطورڈی آر اوز اور آر اوز تعیناتی سے پہلے سروس ریکارڈ چیک کرنے کا فیصلہ کرلیا۔
ذرائع نے کہا ہے کہ انتظامی افسران کی فہرست کے ساتھ سروس ریکارڈ بھی الیکشن کمیشن کو بھیجنا لازمی قرار دیا جبکہ ڈی آر اوز اور آر اوز کے لیے بہترین شہرت کا افسر ہونا بھی لازمی قرار دیا ہے۔
ذرائع نے بتایا کہ ڈی آر اوز کی تعیناتی کےلیےگریڈ 18یا اس سے اوپر کا افسر تعینات کیاجائے گا ، ڈی آر او تعیناتی سے قبل افسر کی ریٹائرمنٹ مدت کم سے کم ایک سال باقی ہونی چاہیے۔
اس کے علاوہ ریٹرننگ افسران کے لیے کم از کم گریڈ 17 کا افسر ہونا لازم ہے، آراوزکی تعیناتی سے قبل متعلقہ افسرکی ریٹائرمنٹ کی مدت کم سےکم ایک سال ہونی چاہیے۔
ذرائع کے مطابق اےآراوکم از کم گریڈ 16 کا افسر تعینات کیا جائے گا، اے آراوزکی تعیناتی سے قبل ریٹائرمنٹ کی مدت کم سےکم 6ماہ ہونی چاہیے جبکہ ہرپولنگ اسٹیشن کےایک بوتھ کے لیے ایک اسسٹنٹ پریذائڈنگ افسر تعینات کیا جائے گا، 6ماہ سےکم سروس والےافسران کوپریذائیڈنگ افسران تعینات نہیں کیاجائےگا۔
