بھارت کی ریاست تامل ناڈو کے شہر کوئمبتور میں بھارتیہ جنتا پارٹی (بی جے پی) کے دفاتر اور پیٹرول پمپس کو بم سے اُڑانے کی دھمکی موصول ہونے پر پولیس حرکت میں آگئی۔
غیر ملکی میڈیا کے مطابق اتوار کی صبح کرائم اینڈ کریمنل ٹریکنگ نیٹ ورک اینڈ سسٹمز (سی سی ٹی این ایس) پورٹل پر ایک ای میل موصول ہوئی جس میں دھمکی آمیز پیغام دیا گیا۔
پولیس کے مطابق ای میل میں کہا گیا کہ وزیر اعظم نریندر مودی کی حکومت کے خلاف کوئمبتور کے متعدد پیٹرول پمپس اور بی جے پی کے دفاتر کو باردوی مواد سے اڑا دیا جائے گا۔
- Advertisement -
پولیس نے اس معاملے میں تحقیقات کا آغاز کر دیا اور پتا لگانے کی کوشش کی جا رہی ہے کہ ای میل بھیجنے والا ملزم کون ہے، تاہم کوئمبتور کے کمشنر نے اسے جعلی ایم میل قرار دے دیا۔
فی الحال کوئمبتور پولیس نے مقدمہ نامعلوم ملزم کے خلاف درج کرلیا۔
