عمان: سوشل میڈیا پر ایک ویڈیو وائرل ہورہی ہے، جس میں دو عمانی نوجوانوں سے ایک ایشیائی باشندے کی کسی بات پر تکرار ہورہی ہے، اسی دوران عمانی نوجوانوں نے ایشیائی باشندے ڈنڈے سے حملہ کردیا، جس کے باعث وہ نڈھال ہوگیا۔
غیر ملکی ذرائع ابلاغ کے مطابق سوشل میڈیا پر گردش کرنے والی ویڈیو میں واضح طور پر دیکھا جاسکتا ہے کہ ان میں سے ایک نے رہائشی کے سر پر ڈنڈے سے تشدد کیا، جس سے ڈنڈا ٹوٹ گیا۔
دونوں عمانی نوجوان ایشیائی باشندوں کو زخمی کرکے جائے وقوعہ سے فرار ہونے میں کامیاب ہوگئے۔
تاہم مذکورہ ویڈیو وائرل ہونے کے بعد سلطنت عمان میں شمالی الشرقیہ گورنریٹ پولیس کمانڈ نے دونوں نوجوانوں کی گرفتاری اور ان کے خلاف قانونی کارروائی کا فیصلہ کیا ہے۔
واضح رہے کہ اس سے قبل بھی عمان میں ایک افسوسناک واقعہ رونما ہوا تھا جب رائل عمان پولیس نے ایک ہولناک قتل کا انکشاف کیا تھا جو مسندم گورنری کے علاقے خاصاب میں پیش آیا تھا۔
واقعہ میں عمانی نوجوان نے اپنی دو بہنوں کو چاقو کے وار کر کے قتل کردیا تھا جبکہ اپنی ماں کو شدید زخمی کر دیا تھا۔
