کیلی فورنیا میں امریکی صدر جو بائیڈن اور چین کے صدر شی جنگ پنگ کے درمیان اہم ملاقات ہوئی، دونوں رہنماؤں کے درمیان ہونے والی ملاقات میں تناؤ کم کرنے کے حوالے سے گفتگو ہوئی۔
بین الاقوامی خبر رساں ادارے کی رپورٹ کے مطابق ملاقات کے موقع پر دونوں صدور نے ایک دوسرے سے مصافحہ کیا۔ امریکی صدر کا اس موقع پر کہنا تھا کہ تناؤ کو تصادم کی طرف نہیں جانا چاہیے۔
دنیا کی دو بڑی اقتصادی قوتوں کے سربراہوں کی ملاقات ایپک سربراہ کانفرنس کی سائیڈ لائنز پر ہوئی۔چین کے صدر شی جن پنگ نے اس موقع پر کہا کہ سپر پاورز کے لیے ایک دوسرے سے منہ موڑنا کوئی آپشن نہیں ہے۔
دوسری جانب ترک صدر رجب طیب اردوان کی جانب سے اسرائیل کو دہشتگرد ریاست کہنے پر اسرائیلی وزیراعظم نیتن یاہو بھڑک گئے۔
اسرائیلی وزیر اعظم اور اعلیٰ سفارت کار نے ترکی کے ’دہشت گرد ریاست‘ کے بیان کی مذمت کی ہے۔
نیتن یاہو اور اسرائیلی وزیر خارجہ نے ترکی کے صدر رجب طیب اردوان کی طرف سے اسرائیل کو ایک ”دہشت گرد ریاست” کہنے پر ردعمل کا اظہار کیا ہے۔
نیتن یاہو نے اسرائیل میں ایک تقریب سے خطاب کرتے ہوئے کہا کہ وہ ترک رہنما کی طرف سے ”اخلاقی طور پر لیکچر” نہیں دیں گے، اردوان ”دہشت گرد ریاست حماس”کی حمایت کرتا ہے۔
اس دوران کوہن نے X پر پوسٹ کیا کہ جو لوگ دہشت گردوں کی میزبانی کرتے ہیں اور دہشت گرد تنظیموں کی حوصلہ افزائی کرتے ہیں وہ اسرائیل کی ریاست کو اخلاقیات کی تبلیغ نہ کریں۔
