شارجہ: آسٹریلوی کرکٹر فلپ ہیوز کی ناگہانی موت کے غم میں پاکستان اور نیوزی لینڈ کے درمیان شارجہ ٹیسٹ کے دوسرے روز کا کھیل ملتوی کردیا گیا ہے۔
انجہانی فلپ ہیوز کی موت کی خبر آتے ہی دنیا ئے کرکٹ کی سرگرمیاں رک گئیں ہیں، پاکستان اور نیوزی لینڈ کے درمیان شارجہ میں ہونے والے میچ پر بھی سوگ کا سماں چھا گیا، کھلاڑی غمگین ہوگئے۔ باہمی رضا مندی سے دونوں ٹیموں کے درمیان ٹیسٹ کے دوسرے روز کا کھیل ملتوی کردیا گیا ہے۔
اس طرح جمعے کو میچ کا دوسرا اور پیر کو آخر روز ہوگا۔ پاکستان کرکٹ بورڈ کے چئیرمین شہریار خان نے بھی آسٹریلوی کھلاڑی کے اہل خانہ سے ہمددری کا اظہار کیا ہے۔
