بالی ووڈ کی معروف اداکارہ و گلوکارہ شہناز گل نے ایک ویڈیو سوشل میڈیا پر جاری کی ہے، جس میں وہ گانا گنگنارہی ہیں۔
فوٹو اور ویڈیو شیئرنگ ایپ انسٹا گرام پر بالی ووڈ کی معروف اداکارہ و گلوکارہ شہناز گل نے ایک ویڈیو شیئر کی جس میں وہ ایک گانا گنگنا رہی ہیں۔ جس پر ان کے مداح تعریفی کمنٹس کررہے ہیں.
معروف اداکارہ و گلوکارہ شہناز گل کا اپنی ویڈیو کے کیپشن میں کہنا تھا ”یہ صرف تفریح کے لئے ہے۔۔ سنجیدگی سے نہ لیں۔۔انجوائے کریں۔
واضح رہے کہ چند ماہ قبل اداکارہ شہناز گل کی ایک ویڈیو سوشل میڈیا پر وائرل ہوگئی تھی، جس میں انہیں دیکھا جاسکتا ہے کہ وہ اذان کے احترام میں خاموش ہوگئی تھیں، ان کی اس ویڈیو کو ان کے چاہنے والوں کی جانب سے خوب پذیرائی ملی تھی۔
When Shehnaaz was asked to sing, she paused as Azan call was being made for prayer. This is the purity of good soul, considerate to others and their beliefs. Shehnaaz i have only one heart how many times you going to win it. #ShehnaazGill #DigitalPersonalityOfTheYear pic.twitter.com/SwxjaogsGY
— sal (@navion1990) February 23, 2023
بھارتی میڈیا رپورٹس کے مطابق بگ باس 13 سے شہرت کی بلندیوں کو چھونے والی اداکارہ و گلوکارہ شہناز گل حال ہی میں منعقدہ ایک ایوارڈ شو میں اسٹیج پر گانا گاتے ہوئے اذان کے احترام میں خاموش ہوگئی تھیں۔
وائرل ویڈیو میں دیکھا جاسکتا ہے کہ اداکارہ پنجابی گانا گنگنا رہی ہیں کہ اذان کی آواز آتی ہے تو وہ سر جھکا کر خاموش ہوجاتی ہیں۔
شہناز گل کے اس احسن اقدام پر اسٹیج پر موجود دیگر شوبز شخصیات بھی خاموشی سے کھڑے رہے۔
اداکارہ کی ویڈیو سوشل میڈیا پر وائرل ہوگئی اور مداحوں کی جانب سے ان کے عمل کو سراہا گیا اور ساتھ ہی تعریفی کمنٹس بھی کئے گئے۔
