فلسطینی صدر محمود عباس نے امریکی صدر جو بائیڈن سے فلسطینی عوام کی نسل کشی کو روکنے کے لیے فوری مداخلت کا مطالبہ کر دیا ہے۔
غیر ملکی میڈیا رپورٹس کے مطابق فلسطینی صدر محمود عباس نے کہا ہے کہ صدر بائیڈن نسل کشی کو روکنے کے لیے ہر ممکن اقدام کریں، تاریخ ان جرائم کو کبھی نہیں بھولے گی، یہ جنگ فوراً بند ہونی چاہیے۔
محمود عباس نے سوال اٹھایا کہ یہ نسل کشی اپنا دفاع کیسے ہو سکتی ہے؟ غزہ میں محصور لوگوں کو ریلیف فراہم کرنے کا مطالبہ کرتا ہوں۔
حماس اسرائیل معاہدہ طے پایا یا نہیں؟ متضاد خبریں
دوسری طرف صدر بائیڈن کا کہنا ہے کہ غزہ کی تصاویر اور بچوں سمیت ہزاروں شہریوں کی ہلاکتوں نے انھیں بھی افسردہ کیا ہے، غزہ اور مغربی کنارے کو نئی فلسطینی اتھارٹی کے تحت بالآخر ایک ہو جانا چاہیے۔
امریکی اخبار میں شائع مضمون میں صدر بائیڈن نے کہا کہ دو ریاستی حل کی جانب بڑھتے ہوئے غزہ اور مغربی کنارے کو نئے سرے سے بحال فلسطینی اتھارٹی کے تحت ایک ہونا چاہیے۔
