اسلام آباد : سینیٹ اجلاس میں آج 5ہزار کے نوٹ کے خاتمے کے حوالے سے تحریک پیش کی جائے گی جبکہ گرتی پاکستانی کرنسی اور مارکیٹ سے ڈالر کی کمی بارے تحریک ایجنڈے کا حصہ ہیں۔
تفصیلات کے مطابق سینیٹ اجلاس آج سہ پہر 3 بجے ہوگا ، چیئرمین سینیٹ اجلاس کی صدارت کریں گے ، سینیٹ سیکرٹریٹ نے اجلاس کا 24 نکاتی ایجنڈا جاری کردیا ہے۔
ایجنڈے میں مختلف بلز اور تحاریک شامل ہیں ، اجلاس میں 5ہزار کے نوٹ کے خاتمے کے حوالے سے ایوان میں تحریک پیش کی جائے گی۔
بجلی اور گیس کے بلوں میں اضافے کیخلاف تحریک سمیت گرتی پاکستانی کرنسی اور مارکیٹ سے ڈالر کی کمی بارے میں تحریک ایجنڈے میں شامل ہیں۔
انسانی سمگلنگ کی روک تھام بل اور کرمنل لاترمیمی بل ایوان میں پیش کئے جائیں گے جبکہ معلومات تک رسائی بل اور گورنس اینڈ آپریشنز ترمیمی بل ایجنڈے میں شامل ہیں۔
اس کے علاوہ فیکٹریز ترمیمی بل اور گارڈئینز اینڈ وارڈ ترمیمی بل بھی سینیٹ اجلاس کے ایجنڈے کا حصہ ہیں۔
