ورلڈکپ فائنل میں شکست کے بعد بھارتی آپے سے باہر ہوچکے ہیں، ان کا بس کہیں نہیں چل رہا تو سوشل میڈیا پر کینگرو ٹیم کے اہلخانہ کو ہراساں کررہے ہیں۔
سابق بھارتی کرکٹر ہربھجن سنگھ نے آسٹریلوی کرکٹرز کے اہلخانہ کو ہراساں کرنے کے حوالے سے اہم بیان جاری کیا ہے۔ انھوں نے کہا کہ کیا آسٹریلوی پلیئرز کو اس لیے سوشل میڈیا پر تنقید کا نشانہ بنایا جارہا ہے کہ وہ ورلڈکپ فائنل میں اچھا کھیلے!
بھارت کے خلکاف فائنل میں سنچری جڑنے والے ٹریوس ہیڈ کی اہلیہ اور بیٹی کو ریپ اور جان سے مارنے کی دھمکی دی گئی ہے، اندین شائقین نے گلین میکسویل کی بھارتی اہلیہ کو بھی نہ بخشا اور انھیں بھی برے القابات سے نوازا ہے۔
بھارتیوں کی جانب سے ہراساں کرنے کی خبریں میڈیا پر آنے کے بعد 2011 ورلڈکپ فاتح اسکواڈ کا حصہ رہنے والے ہربھجن سنگھ نے آسٹریلیا کے حق میں ٹوئٹ کی ہے۔
سماجی رابطے کی ویب سائٹ ’ایکس‘ پر اپنے بیان میں ان کا کہنا تھا کہ ’آسٹریلوی کرکٹرز کے اہلخانہ کو ٹرولنگ کا نشانہ بنایا گیا جو کہ بہت برا رویہ ہے۔ ہم نے اچھا کھیلا تاہم آسٹریلیا نے فائنل میں ہم سے بہتر کرکٹ کھیلی جس کی وجہ سے ہمیں شکست ہوئی، بس اتنی سی بات ہے۔‘
انھوں نے مزید لکھا کہ پلیئرز اور ان کے اہلخانہ کو ٹرول کیوں کیا جارہا ہے؟ ہربھجن نے کرکٹ شائقین سے درخواست کی کہ اس طرح کا رویہ اپنانا بند کریں، عزت اور وقار زیادہ اہمیت کے حامل ہیں۔‘
Reports of trolling of family members of Australian cricket players is completely in bad taste. We played well but lost the final to better cricket by the Aussies. That's it. Why troll the players and their families? Requesting all cricket fans to stop such behaviour. Sanity and…
— Harbhajan Turbanator (@harbhajan_singh) November 21, 2023
واضح رہے کہ آئی سی سی ورلڈکپ فائنل میں آسٹریلیا نے بھارت کو باآسانی 6 وکٹوں سے شکست دی تھی جس کے بعد گراؤنڈ میں موجود شائقین کو سانپ سونگھ گیا تھا۔ بعدازاں بھارتی مداح آپے سے باہر ہوگئے تھے اور اپنی ٹیم پر بھی شدید تنقید کی تھی۔
