کوئٹہ: ملک دشمن عناصر کے خلاف سیکیورٹی فورسز کی کارروائی جاری ہے، بلوچستان کے ضلع تربت میں ٹارگٹڈ آپریشن میں کالعدم تنظیم کے 4 دہشتگرد مارے گئے۔
تفصیلات کے مطابق کاؤنٹر ٹیرر ازم ڈیپارٹمنٹ (سی ٹی ڈی) نے بلوچستان کے ضلع تربت میں ٹارگٹڈ آپریشن کی، اس آپریشن کے دوران کالعدم تنظیم کے 4 دہشتگرد مارے گئے۔
سی ٹی ڈی حکام کا بتانا ہے کہ کارروائی تربت کے علاقے بانک میں پسنی روڈ پر کی گئی، ہلاک دہشتگردوں سے بڑی تعداد میں اسلحہ،گولہ بارود برآمد ہوا ہے۔
- Advertisement -
سی ٹی ڈی حکام نے مزید بتایا کہ ہلاک دہشت گرد فورسز اور شہریوں پر حملوں میں ملوث تھے۔
