بھارت میں 18 سالہ نوجوان نے کم عمر بچے کو چھرے کے پے درپے وار کرکے قتل کیا اور اس کی لاش کے ساتھ کھڑے ہوکر رقص کرتا رہا۔
بھارتی میڈیا رپورٹس کے مطابق نئی دہلی کی گلیوں میں 18 سالہ نوجوان نے 16 سال کے بچے کا گلا گھونٹا اور پھر چھری کے 60 وار کرکے قتل کردیا اور اس بہیمانہ قتل کے بعد لاش کے پاس کھڑے ہوکر رقص کرتا رہا۔
افسوس ناک بات یہ ہے کہ قتل کی یہ سفاکانہ واردات بریانی کھانے کے لیے صرف 350 روپے چرانے کے لیے کی گئی۔ قاتل نے مقتول سے رقم چیھننے کی کوشش کی اور مزاحمت پر مقتول کا گلا گھونٹا جس سے وہ ادھ موا ہوگیا۔
جائے وقوعہ پر لگے سی سی ٹی وی فوٹیجز میں پورا واقعہ محفوظ ہوگیا جس کی بنیاد پر پولیس نے قاتل کو گرفتار کرلیا۔
BIG BREAKING: Mohammad Zubair (name changed), a 16-yr-old teenager brutally murdered a 17-yr-old boy, stabbing him more than 60 times, merely for 350 rupees worth of biryani
After perpetrating this heartless act, the culprit not only celebrated but also danced
The culprit first… pic.twitter.com/PpE3v71ZRu
— Ashwini Shrivastava (@AshwiniSahaya) November 23, 2023
ویڈیو میں دیکھا جاسکتا ہے کہ قاتل نے بے رحمانہ طور پر مقتول پر چھری سے 60 سے زائد بار وار کیے جس سے 16 سالہ لڑکا ہلاک ہوگیا۔ سفاک قاتل نے اس پر ہی بس نہ کی بلکہ لاش کے ساتھ کھڑے ہوکر رقص کرتا رہا۔
پولیس کا کہنا ہے کہ یہ نوجوان 2022 میں قتل بعد از ڈکیتی کے ایک اور کیس میں بھی ملوث تھا۔ ملزم اُن جرائم پیشہ نابالغوں کے گروہ کا حصہ ہے جس میں 4 ارکان شامل ہیں۔
ملزم نے اعترافی بیان میں بتایا کہ قتل کرنے کے وقت وہ نشے میں دھت تھا۔
