انگلینڈ کرکٹ ٹیم کے سابق کپتان مائیکل وان نے گرین شرٹس کے حوالے سے بڑی پشگوئی کرتے ہوئے کہا ہے کہ وہ 2024 ٹی ٹوئنٹی ورلڈکپ کے فاتح ہونگے۔
سوشل میڈیا پر وان نے کلب پریری فائر نامی اکاؤنٹ کے ایک ویڈیو ٹاک میں شرکت کی جہاں ان کے ساتھ سابق آسٹریلوی وکٹ کیپر ایڈم گلکرسٹ بھی موجود تھے، دنوں سابق کرکٹر کو کوئز کے دوران پاکستان کرکٹ کے تنازعات اور گلین میکس ویل کے حوالے سے جواب دینے کا کہا گیا تھا۔
سوشل میڈیا پلیٹ فارم ایکس پر کلب پریری فائر کے اکاؤنٹ سے جو ویڈیو پوسٹ کی گئی ہے اس میں وان اور گلکرسٹ پاکستان کرکٹ کے حوالے سے کافی کچھ کہتے سنائی دیے۔
اس ویڈیو کو کلب پریری فائر نے پوسٹ کرتے ہوئے کہا کہ اس وقت پاکستان کرکٹ افرا تفری کا شکار ہے۔ 2024 کے ورلڈکپ میں اس ٹیم پر سب کی خصوصی نظر ہوگی۔
اس پوسٹ پر جواب دیتے ہوئے سابق انگلش کپتان مائیکل وان نے پیش گوئی کہ وہ (پاکستان) ٹی ٹوئنٹی ورلڈکپ جیت جائیں گے، ساتھ ہی انھوں نے کلب پریری فائر کو ٹیگ بھی کیا۔
Pakistan 🇵🇰 cricket is currently experiencing ‘chaos’ behind the scenes…
Clearly they are the side 🏏 to watch out for in 2024 😂
Thanks to @SmartBapp for the social update during the quiz! pic.twitter.com/c95TrDmqCS
— Club Prairie Fire (@clubprairiefire) November 23, 2023
یہ بات قابل ذکر ہے کہ ورلڈکپ میں بری کارکردگی پر مائیکل وان نے پاکستانی ٹیم کو کافی تنقید کا نشانہ بنایا تھا۔ تاہم پاکستان ٹیم میں اکھاڑ پچھاڑ کے بعد انھوں نے حیران کن طو پر ویسٹ انڈیز اور امریکا میں ہونے والے ورلڈکپ کے لیے پاکستان کو فاتح قرار دیا ہے۔
