کراچی: پاکستان اسٹاک مارکیٹ نے تاریخی ریکارڈ قائم کرتے ہوئے پہلی بار 59 ہزار کی حد بھی عبورکر لی، 100انڈیکس میں601 پوائنٹس کا اضافہ ہوا۔
تفصیلات کے مطابق پاکستان پاکستان اسٹاک مارکیٹ میں آج بھی زبردست تیزی ریکارڈ کی گئی اور مارکیٹ نے ایک اور تاریخ رقم کر لی۔
کاروبار کے آغاز پر اسٹاک ٹریڈنگ میں زبردست ہلچل دیکھی گئی اور ہنڈریڈ انڈیکس میں 601 پوائنٹس کااضافہ ہوا ، جس کے بعد اسٹاک مارکیٹ نے تاریخ کی بلند ترین سطح 59 ہزار کی حد بھی عبورکر لی۔
پاکستان اسٹاک مارکیٹ میں 100 انڈیکس59 ہزار499 پوائنٹس کی بلند ترین سطح پرٹریڈ کر رہا ہے۔
ماہرین کا کہنا ہے آئی ایم ایف سے مثبت مذاکرات ، ترسیلات زر میں اضافہ،درآمدات میں کمی اور برآمدات میں اضافہ ، مہنگائی میں کمی اور شرح سود کم ہونے کے امکان کی وجہ سے سرمایہ کاروں میں اعتماد دیکھا جارہا ہے۔
گذشتہ روز پاکستان اسٹاک مارکیٹ میں ہنڈریڈ انڈیکس سات سو ایک پوائنٹس اضافے کے ساتھ تاریخ کی بلند ترین سطح اٹھاون ہزار آٹھ سوننانوے پوائنٹس پربند ہوا تھا۔