برطانیہ میں کرین آپریٹر نے جلتی عمارت سے نوجوان کو بچا لیا جس کی ویڈیو وائرل ہوگئی۔
برطانیہ کے برکشائر ٹائون میں سٹیشن ہل ڈیولپمنٹ سائٹ پر آگ بھڑک اٹھی تھی۔ کرین آپریٹر گلین ایڈورڈز نے شعلوں اور گہرے دھوئیں میں پھنسے مزدور کو عمارت سے محفوظ مقام پر پہنچانے کیلئے انتہائی مہارت کے ساتھ ایک پنجرے کا استعمال کیا۔
ویڈیو میں دیکھا جاسکتا ہے کہ کرین آپریٹر کس طرح مزدور کو ریسکیو کرنے کا عمل انجام دے رہا ہے۔
ائر سروس چیف نے کہا کہ ان کے اقدامات کے بغیر ہم ایک بالکل مختلف منظر دیکھ رہے تھے۔رائل برکشائر فائر اینڈ ریسکیو کے چیف فائر آفیسر وین بوکاک کا کہنا ہے کہ میں انتہائی مشکل حالات میں ناقابل یقین حد تک ہنر مند ریسکیو کرنے پر اس کرین آپریٹر کا شکرگزار ہوں۔
راہگیروں کی جانب سے بنائی گئی فوٹیج میں وہ لمحہ دکھایا گیا، جب 65 سالہ مسٹر ایڈورڈز نے ایک پنجرے کو مزدور کی جانب لے جانے کیلئے استعمال کیا تھا۔ جب اس نے اس آدمی کو اٹھایا اور اسے بحفاظت محفوظ مقام پر پہنچایا تو نیچے موجود ہجوم نے زبردست تالیاں بجا کر اسے داد دی۔
ساؤتھ سنٹرل ایمبولینس سروس کا کہنا ہے کہ دو افراد کو رائل برک شائر ہسپتال لے جایا گیا تھا، جہاں دھو ئیں میں سانس لینے کی وجہ سے انہیں طبی امداد فراہم کی گئی، تاہم کوئی تشویشناک بات نہیں تھی۔
مسٹر بوکاک نے مزید کہا کہ فائر سروس جلتی ہوئی عمارت سے ریسکیو کئے جانے والے دونوں افراد کیلئے نیک تمناؤں کا اظہار کرتی ہے اور ان کی جلد صحت یابی کی خواہاں ہے۔
