کراچی: آئی جی سندھ رفعت راجہ نے رشوت ستانی سے متعلق کرکٹر عامر یامین کے ٹوئٹ پر نوٹس لے لیا۔
تفصیلات کے مطابق صوبہ سندھ میں سکرنڈ پولیس کی حدود میں انٹرنیشنل کرکٹرز سے رشوت ستانی کے معاملے پر آئی جی سندھ رفعت راجہ نے نوٹس لیتے ہوئے ڈی آئی جی شہید بے نظیرآباد کو فوری تحقیقات کا حکم دے دیا ہے۔
نیشنل ٹی 20 کپ کھیلنے کے بعد ملتان جانے والے انٹرنیشنل کھلاڑیوں عامر یامین اور صہیب مقصود کو پولیس نے گھیر لیا تھا اور ان سے 8 ہزار روپے رشوت لے کر ہی چھوڑا۔
صہیب مقصود، عامر یامین پولیس کے ہتھے چڑھ گئے
ترجمان سندھ پولیس کے مطابق آئی جی سندھ رفعت راجہ نے واقعے میں ملوث اہلکاروں کے خلاف سخت کارروائی کرنے کی ہدایت جاری کر دی ہے۔
travelling to multan after our match in Karachi they still took 8000 thousand rupees and then let us go it will never happen with you in Punjab or in any other province of Pakistan
At area sakrand police station— Amir Yamin (@amiryamin54) November 27, 2023
عامر یامین نے لکھا تھا کہ پولیس اہلکاروں نے ان سے کہا تھا کہ ’’8 ہزار روپے دو گے تبھی جانے دیں گے ورنہ تھانے چلو۔‘‘ جب کرکٹرز نے انھیں بتایا کہ وہ انٹرنیشنل کرکٹرز ہیں، تو پولیس والے نہ مانے اور کہا ’’اگر پیسے نہیں دو گے تو 50 کلومیٹر دور دوبارہ پولیس روکے گی۔‘‘
