کراچی : پاکستان اسٹاک مارکیٹ نے ایک اور تاریخ رقم کرتے ہوئے 61 ہزار پوائنٹس کی سطح بھی عبور کرلی، ہنڈریڈ انڈیکس 813 پوائنٹس کا اضافہ ہوا۔
تفصیلات کے مطابق معیشت میں بہتری کے اثرات نظرآنے لگے اور سرمایہ کاروں کا اعتماد بحال ہونے پر اسٹاک مارکیٹ میں زبردست تیزی دیکھی گئی۔
کاروباری ہفتے کے دوسرے دن پاکستان اسٹاک مارکیٹ میں زبردست مثبت آغاز ہوا اور ہنڈریڈ انڈیکس نے نیا ریکارڈ قائم کردیا اور پہلی بار ساٹھ ہزارکی حد عبورکرگیا۔
کاروبار کے دوران انڈیکس میں 813 پوائنٹس کا اضافہ دیکارڈ کیا گیا، جس کے بعد 100انڈیکس تاریخ کی بلند ترین سطح61ہزار543 پوائنٹس پرٹریڈ کر رہا ہے۔
گذشتہ روز پاکستان اسٹاک مارکیٹ 60 ہزار 723 پوائنٹس پربند ہوا، رواں ماہ تقریبا ساڑھے آٹھ ہزارپوائنٹس کا اضافہ ہوچکا ہے۔
اسٹاک ماہرین کےمطابق حالیہ تیزی کی وجہ نگراں وزیراعظم کی یواےای کے صدرسے ملاقات اوراربوں ڈالر کے معاہدے پردستخط ہیں، پاکستان کوآئندہ چند برس میں سعودی عرب اوریواےای سے پچاس ارب ڈالرکی سرمایہ کاری متوقع ہے۔
ماہرین کا کہن اتھا کہ ملک کی معیشت ٹھیک سمت میں جا رہی ہے، جنرل الیکشن بھی فروری میں ہونے ہے جبکہ اسٹیٹ بینک کی نئی مانیٹری پالیسی بھی بارہ دسمبر کو ہونی ہے، جس میں شرح سود میں بڑی کمی کی توقع ہے۔
