شوبز انڈسٹری کے معروف میزبان و اداکار ساحر لودھی کا کہنا ہے کہ کبھی شاہ رخ خان بننے کی کوشش نہیں کی۔
میزبان و اداکار ساحر لودھی نے ایک پوڈ کاسٹ میں شرکت کی اور نجی زندگی، شاہ رخ خان کی مشابہت سمیت دیگر سوالوں کے کھل کا جواب دیا۔
ساحر لودھی نے کہا کہ میں نے کبھی محسوس نہیں کیا کہ میں شاہ رخ خان سے مشابہت رکھتا ہوں، کبھی ان کی تصویر کشی کرنے کی کوشش نہیں کی۔
انہوں نے کہا کہ ہماری انواع بالکل مختلف ہیں، وہ اداکاری کرتا ہے میں نے ہمیشہ میزبانی کی ہے، شاہ رخ کی مشابہت رکھنا میری غلطی نہیں ہے نہ ہی کسی اور کی غلطی ہے۔
ساحر لودھی نے کہا کہ بات یہ ہے کہ وہ ایک عظیم آدمی ہیں، شاہ رخ کے بارے میں سب سے بڑی بات جو میں آپ کو بتا سکتا ہوں وہ یہ کہ جب میں ان سے ملا تو ہم نے گلے لگایا اور ہم مسکرائے اور اس نے کہا کہ آپ بہت اچھے ہیں۔
ساحر لودھی نے کہا کہ میں نے ہمیشہ ان کی بہت تعریف کی ہے وہ بہت بڑے آدمی ہیں، وہ بہت اچھا کام کرتے ہیں، میں نے کبھی محسوس نہیں کیا کہ میں ان سے مشابہ ہوں میں نے کبھی ان کی طرح آن اسکرین یا آف اسکرین ان کی طرح نظر آنے کی کوشش نہیں کی۔
