بھارتی فاسٹ بولر پرسدھ کرشنا کے آخری اوور میں گلین میکسویل کے لاٹھی چارج پر رتوراج گائیکواڈ کا بیان آگیا۔
گوہاٹی کے بارساپارا کرکٹ اسٹیڈیم میں گلین میکسویل کی ناقابل شکست سنچری کی بدولت آسٹریلیا نے بھارت کو 5 وکٹوں سے شکست دی اور 223 رنز کا ہدف حاصل کرلیا، پانچ میچوں کی سیریز میں بھارت کو 2-1 کی برتری حاصل ہے۔
آسٹریلیا کے لیے 12 گیندوں پر 43 رنز بنانا مشکل تھا لیکن گلین میسکویل نے اسے ممکن بنادیا۔
گلین میکسویل اور میتھیو ویڈ نے پہلے اکشر پٹیل کے اوورز میں 22 رنز بنائے اور پھر گائیکواڈ کے آخری اوور میں 23 رنز کی دھلائی کرکے میچ جیت لیا۔
تاہم آخری اوور میں 23 رنز بننے پر بھی سنچری میکر رتوراج گائیکواڈ نے کرشنا کا فاع کیا جنہوں نے اپنے چار اوور میں 68 رنز دیے تھے۔
گائیکواڈ نے کہا کہ مجھے نہیں لگتا کہ ایک اوور میں 23 رنز بننا کوئی تشویش کی بات ہے کیونکہ وہ گیلی گیند کے ساتھ بولنگ کررہے تھے اس قسم کے حالات میں 12 رنز فی اوور یا 13 سے 14 رنز فی اوور بن جاتے ہیں۔
انہوں نے میکسویل نے بیٹنگ کی تعریف کرتے ہوئے کہا کہ گلین میکسویل نے شاندار اننگز کھیلی جس کی جتنی بھی تعریف کی جائے کم ہے۔
