قومی فاسٹ بولر نسیم شاہ کی صحت یابی سے متعلق اہم خبر آگئی، انگلینڈ میں ان کا ری ہیب مکمل ہوگیا۔
فوٹو ایند شیئرنگ ایپ انسٹاگرام پر پاکستان کے فاسٹ باؤلر نسیم شاہ نے اپنی صحت سے متعلق بیان جاری کیا ہے، ساتھ ہی ایک تصویر بھی شیئر کی جس میں فاسٹ بولرمحمد حسنین کو بھی دیکھا جاسکتا ہے۔
View this post on Instagram
نسیم شاہ نے باضابطہ طور پر انگلینڈ میں ری ہیب مکمل کر لیا اور اس عمل میں تعاون کرنے پر فاسٹ بولر نے پاکستان کرکٹ بورڈ (پی سی بی) کا شکریہ ادا کیا ہے۔
انہوں نے مزید کہا کہ میری میڈیکل ٹیم ڈاکٹر امتیاز احمد، فزیوس جارج ارل اور ایڈم رائٹ کا انگلینڈ میں تعاون کرنے پر شکریہ ادا کرتا ہوں۔
واضح رہے کہ نسیم شاہ ایشیا کپ کے دوران کندھے کی انجری کا شکار ہو گئے تھے جس کے باعث وہ ٹورنامنٹ کے بقیہ میچوں سے باہر ہو گئے تھے اس کے علاوہ انجری نے انہیں 2023ء ورلڈ کپ میں شرکت سے بھی روک دیا تھا۔
