پاکستان کرکٹ ٹیم ٹیسٹ سیریز کھیلنے آسٹریلیا گئی ہے تاہم ان کی روانگی کے بعد سوشل میڈیا پر سابق کپتان بابر اعظم کو کرکٹ کا سلمان خان قرار دیا جا رہا ہے۔
پاکستان کرکٹ ٹیم تین ٹیسٹ میچز کی سیریز کھیلنے کے لیے آسٹریلیا پہنچ چکی ہے۔ اسکواڈ کی کینگروز کے دیس روانگی کے وقت کے ایک ویڈیو سوشل میڈیا پر وائرل ہو رہی ہے جس میں کھلاڑیوں کو ایک کے بعد ایک اپنے سامان کے ہمراہ روانہ ہوتے دیکھا جا سکتا ہے۔
Babar Azam recreating Salman khan’s legendary moment #BabarAzam | #WaseemBadami pic.twitter.com/f8ATlO1e49
— JIMMRZ (@Jimmrz_) November 30, 2023
سماجی رابطوں کی ویب سائٹ ایکس پر وائرل ویڈیو میں کپتان شان مسعود، ٹیم ڈائریکٹر محمد حفیظ کے علاوہ حال ہی میں دولہا بننے والے امام الحق اور شاہین شاہ آفریدی کو بھی اپنی اپنی بیگمات کے ہمراہ دیکھا جا سکتا ہے جب کہ سابق کپتان بابر اعظم اپنا ہینڈ بیگ کیری کرتے تنہا آگے بڑھتے دکھائی دیتے ہیں۔
Other players with their wives while Babar with his suitcase
Sigma Kaptanaaa✌️❤️#BabarAzam #BabarLaughed pic.twitter.com/AkYyhWoST4— Tehreem (@its_Tehreem0) November 30, 2023
اس ویڈیو نے دیکھنے والوں کو بھارتی فلم انڈسٹری کے اب تک کنوارے سلمان خان کی یاد دلا دی اور کئی صارفین نے تو سالمان خان اور بابر اعظم کی تصویریں ساتھ لگا کر تقابلی جائزہ بھی پیش کرنا شروع کر دیا جب کہ اس کے ساتھ ہی ویب سائٹ پر میمز کی بھرمار ہو گئی۔
Same energy #BabarAzam pic.twitter.com/W0BiK08g7D
— Hassan (@HassanAbbasian) November 30, 2023
کئی صارفین نے بابر اعظم کو کرکٹ کا ’سلمان خان‘ قرار دے دیا جب کہ مداحوں نے یہ مماثلت بھی نکال لی کہ جس طرح سلمان خان تقاریب میں تن تنہا انٹری دیتے ہیں بالکل اسی طرح بابر اعظم بھی تنہا دیکھے جا سکتے ہیں۔
کچھ صارفین نے بیگمات کے ساتھ دورے پر جانے والے کرکٹرز اور تنہا بابر اعظم کی ویڈیو کے ساتھ بالی ووڈ اداکاروں کی اپنی اپنی بیگمات کے ہمراہ ویڈیوز شامل کرکے ایک نیا ٹوئسٹ دینے کی کوشش کی ہے۔
Same energy #BabarAzam #PAKvAUS #WTC25 pic.twitter.com/Zmr1dEl6PX
— ⁵⁶ (@Abdullahs_56) November 30, 2023
کچھ کھلاڑیوں کی بیگمات کے ساتھ دورے پر روانگی پر متعدد صارفین نے تبصرہ کیا کہ سمجھ نہیں آرہا کہ کھلاڑی کھیل کھیلنے جارہے ہیں یا پھر ہنی مون پر روانہ ہو رہے ہیں۔
They are going to play series in Australia or going on honeymoon in Australia? pic.twitter.com/Sc7jEo4v0q
— Ghuzanfur Eijaz (@Ghazanfarijaz) December 1, 2023
ایک صارف نے لکھا کہ ہنی مون یاترا کا آغاز ہو گیا ہے۔
Honeymoon ki yathra ka aghaaz ho gya hai. pic.twitter.com/tWxlyGBcCF
— Nawaz (@Rnawaz31888) November 30, 2023
یاد رہے کہ رواں سال کئی قومی کرکٹرز کے سروں پر سہرہ سجا اور انہوں نے نئی زندگی کا آغاز کیا جن میں حارث رؤف، شاہین شاہ آفریدی، شاداب خان امام الحق، شان مسعود، فہیم اشرف شادی کے بندھن میں بندھ کر زندگی کا نئی اننگ کا آغاز کر چکے ہیں۔
تاہم مداحوں کو سابق کپتان بابر اعظم کی شادی کا انتظار ہے رواں سال ان کی شادی کے حوالے سے کئی خبریں گردش کرتی رہیں ہیں تاہم ان کے یا ان کے اہلخانہ کی جانب سے اس حوالے سے کوئی حتمی تاریخ نہیں دی گئی ہے۔
