غزہ: ایک طرف جہاں قطر کی کوششوں کے باعث حماس اسرائیل خوں ریز جنگ میں قیدیوں کے تبادلے کے لیے وقفہ ممکن ہوا، وہاں دوسری طرف اسرائیلی فوج نے غزہ میں جاری قطر کے رہائشی پروجیکٹ پر بمباری کر کے اسے تبادہ کر دیا۔
غیر ملکی میڈیا رپورٹس کے مطابق اسرائیلی لڑاکا طیاروں نے ہفتے کے روز وسطی غزہ کی پٹی کے شہر خان یونس میں قطر کے تعاون سے چلنے والے حمد رہائشی منصوبے پر بمباری کی۔
حملے سے کچھ دیر قبل اسرائیلی فوج نے پروجیکٹ کے رہائشیوں کو فون کالز کے ذریعے انخلا کے لیے وارننگ بھی دے دی تھی، فون کالز کے بعد ایس ایم ایس بھی بھیجے گئے، تقریباً ایک گھنٹہ بعد صرف دو منٹ کے وقفے میں اس پروجیکٹس پر پانچ اسرائیلی فضائی حملے کیے گئے۔
ایک ایک کر کے پیلے اپارٹمنٹ کے بلاکس پر بم گرائے گئے، جس سے وہ ملبے کے ڈھیر میں تبدیل ہو گئے اور سیاہ دھوئیں کا ایک بہت بڑا بادل آسمان پر چھا گیا۔
ترکی میڈیا کے مطابق اکتوبر 2012 میں غزہ کی پٹی پر اسرائیل کی دوسری جنگ کے بعد، قطر نے حمد رہائشی پروجیکٹ جیسے اہم منصوبوں کے ذریعے غزہ کی تعمیر نو کے لیے تقریباً 407 ملین ڈالر کا عطیہ دیا تھا۔
BREAKING| Israeli fighter jets attack several residential towers in Hamad City in Khan Yunis, south of the #Gaza Strip. pic.twitter.com/QMIu9Pwoyy
— PALESTINE ONLINE (@OnlinePalEng) December 2, 2023
After Israel FORCED Palistinians to move to the South of Gaza, Israeli warplanes are now destroying several residential towers in Hamad City in Khan Yunis, south of the Gaza Strip.
This is terrorism!
pic.twitter.com/SYjlzF5WAL— Dr. Anastasia Maria Loupis (@DrLoupis) December 2, 2023
حمد سٹی کا نام خلیجی ریاست کے سابق امیر شیخ حمد بن خلیفہ الثانی کے نام پر رکھا گیا ہے جنھوں نے 11 سال قبل ایک دورے کے موقع پر اس کا سنگ بنیاد رکھا تھا، یہ غزہ کی پٹی کے سب سے نئے منصوبوں میں سے ایک تھا۔ تعمیر کے بعد سب پہلے فلیٹس (ایک ہزار سے زیادہ) ان فلسطینیوں کو دیے گئے جن کے گھر دو سال قبل اسرائیل اور حماس کے درمیان جنگ میں تباہ ہو گئے تھے۔
IDF fighter jets carried out significant airstrikes in the south Gaza city of Khan Younis today. This video shows the targeting of multiple towers in the northern neighborhood of Hamad. pic.twitter.com/WVux3v0Imf
— Ariel Oseran (@ariel_oseran) December 2, 2023
لائیو کوریج کے دوران گھر کو تباہ ہوتا دیکھ کر ایک خاتون رپورٹر رو پڑی، ٹی آر ٹی عربی کی رپورٹر روبائی حلیت براہ راست نشریات پر تھیں، اُسی وقت ان کے گھر پر بمباری کی گئی۔
Photos documenting the destruction caused by massive Israeli airstrikes in Hamad City, south of the Gaza Strip where dozens of residential buildings have been destroyed. pic.twitter.com/fmTtio43gl
— PALESTINE ONLINE (@OnlinePalEng) December 3, 2023
غزہ کے جنوبی علاقوں میں اسرائیلی طیاروں کی وحشیانہ بمباری جاری ہے، ایک عمارت کے ملبے میں محصور 18 خواتین اور بچوں کو دیوار میں سوراخ کر کے بہ حفاظت نکال لیا گیا۔
ایک بار پھر اسرائیلی فورسز نے غزہ کو بچوں کے لیے جہنم بنا دیا ہے، گزشتہ تین روز سے جاری بمباری میں 60 سے زیادہ بچے مارے گئے ہیں، جب کہ سیکڑوں زخمی بچے اسپتال میں تڑپ رہے ہیں، بمباری سے متاثر بچوں پر خوف طاری ہے۔