پاکستان کے معروف اداکار و میزبان عمران اشرف کی سابقہ اہلیہ اداکارہ کرن اشفاق کی دوسری شادی کی خبریں گردش کرنے لگیں۔
فوٹو اینڈ شیئرنگ ایپ انسٹاگرام پر اداکارہ کرن اشفاق کی دوسری شادی کی خبر شوبز کی خبروں پر گہری نظر رکھنے والے پیج ’’عرفانستان‘‘ نے شیئر کی ہے۔
View this post on Instagram
عرفانستان نے مداحوں کے ساتھ یہ خبر شیئر کرتے ہوئے کیپشن میں یہ بھی بتایا کہ کرن کی دوسری شادی لاہور کے ایک بزنس مین سے ہوئی ہے۔
دوسری جانب اداکارہ کرن اشفاق نے اپنی دوسری شادی کی خبر کی تصدیق یا تردید نہیں کی ہے۔
واضح رہے کہ اداکار عمران اشرف نے ماڈل کرن اشفاق سے 2018 میں شادی کی تھی دونوں نے 18 اکتوبر 2022 کو سوشل میڈیا پوسٹس کے ذریعے طلاق کا باضابطہ اعلان کیا تھا، دونوں کا ایک بیٹا ہے۔
