موٹاپا انسان کی زندگی پر بہت بری طرح اثر انداز ہوتا ہے، یہ نہ صرف ظاہری شخصیت کو تباہ کردیتا ہے بلکہ اس سے ذیابیطس، بلڈپریشر، امراض قلب اور فالج غرض کہ لاتعداد بیماریوں کا خطرہ بھی بڑھ جاتا ہے۔
موٹاپا آج کے دور میں عام بیماری کا روپ دھار چکا ہے، لوگ اس موٹاپے سے ہونے والی شرمندگی سے جان چھڑانے کے لیے لاکھوں جتن کرتے ہیں تاہم ناکام نظر آتے ہیں لیکن کچھ نسخے ہیں جس پر عمل کرکے اس سے نجات حاصل کی جاسکتی ہے۔
اس حوالے سے اے آر وائی زندگی کے پروگرام میں ڈاکٹر عیسیٰ نے مخلتف لوگوں کے مسائل سنے اور اس کے سدباب کیلئے فوری نسخہ تجویز کیا۔
ایک خاتون نے فون کال پر اپنا مسئلہ بیان کرتے ہوئے پوچھا کہ مجھے موٹاپے کا مسئلہ درپیش ہے اور میں اس سے جلد از جلد جان چھڑانا چاہتی ہوں مجھے اس سلسلے میں کون سا نسخہ تجویز کریں گے۔
اس کے جواب میں ڈاکٹر عیسیٰ نے خاتون کو موٹاپے سے جلد ازجلد نجات کیلئے ایک گھریلو نسخہ بنانے کی ترکیب بتائی، انہوں نے کہا کہ یہ ایک نہایت آسان اور سستا علاج ہے ۔
اجزاء :
ایک عدد کھیرا
دو چمچ ایلو ویرا
ایک عدد لیموں
ایک عدد چھوٹا ٹکڑا ادررک
اگر سیلری اسٹک نہ ملے تو
پودینے کے چند پتے
ترکیب :
ان تمام اجزاء کو گرائینڈر کرکے جوس سا بنالیں اور رات کو سونے سے پہلے پیئیں اس کا فائدہ یہ ہوگا کہ ایک مہینے کے اندر آپ کا پیٹ کافی حد تک اندر چلا جائے گا اور موٹاپے کی شکایت ختم ہوجائے گی۔
