بھارت کی ریاست راجستھان میں ہندو انتہا پسند تنظیم راشٹریہ راجپوت کرنی سینا کے سربراہ کو نامعلوم افراد نے گولیاں مار کر موت کے گھاٹ اتار دیا۔
انڈیا ٹوڈے کی رپورٹ کے مطابق واقعہ جے پور میں اُس وقت پیش آیا جب تنظیم کے سربراہ سکھدیو سنگھ گوگامیڈی اپنے گھر میں بیٹھے تھے، اس دوران اچانک نامعلوم افراد گھر میں گھس آئے اور ان پر گولیاں برسا دیں۔
سکھدیو سنگھ گوگامیڈی کے گھر میں لگے سی سی ٹی وی کی فوٹیج حاصل کر لی گئی جس میں دیکھا جا سکتا ہے کہ دو نامعلوم افراد گھر میں فائرنگ کر رہے ہیں۔
نامعلوم افراد چند لمحوں میں موقع سے فرار ہوگئے۔ سکھدیو سنگھ گوگامیڈی کو زخمی حالت میں اسپتال منتقل کیا گیا لیکن زخموں کی تاب نہ لاتے ہوئے ہلاک ہوگئے۔ متقول کے ساتھ موجود اجیت سنگھ نامی شخص فائرنگ سے شدید زخمی ہوئے۔
One social media account – Rohit Godara Kapurisar, who is an associate of Goldy-Larence group, has taken the responsibility of murder of Rajput Karni Sena chief Sukhdev Singh Gogamedi in Jaipur. pic.twitter.com/RpCBA9Uzx2
— Alok Arjun Singh (@AlokReporter) December 5, 2023
راجستھان کے پولیس ڈائریکٹر جنرل (ڈی جی پی) امیش مشرا کے مطابق ابتدائی رپورٹ کے مطابق سکھدیو سنگھ گوگامیڈی کے گھر میں چار مسلح افراد داخل ہوئے تھے۔
امیش مشرا نے بتایا کہ فائرنگ سے ان کا گارڈ اور وہاں موجود اجیت سنگھ شدید زخمی ہوا۔ لارنس بشنوئی گینگ سے وابستہ گینگسٹر روہت گودارا نے ایک فیس بک پوسٹ میں حملے کی ذمہ داری قبول کی۔
