غزہ: القسام بریگیڈ کی جانب سے ایک نئی ویڈیو جاری کی گئی ہے جس میں مجاہدین کو اسرائیلی فوجیوں کے کیمپ کے نہایت قریب جا کر اسے اڑاتے دکھایا گیا ہے۔
تفصیلات کے مطابق غزہ میں مزاحمتی تنظیمیں اسرائیلی فوج کے تمام منصوبے خاک میں ملانے کے لیے ہر ممکن کوشش کر رہی ہیں، اور غزہ صہیونی فورسز کے لیے موت کا پھندہ بنتا جا رہا ہے۔
مزاحمتی تنظیموں نے محصور شہر میں اسرائیل کو ناکوں چنے چبوا دیے ہیں، کتائب القسام کے مجاہدین اسرائیلی فوج کے خمیوں تک پنچ گئے اور انتہائی قریب سے بنائی گئی ویڈیو شیئر کر دی ہے۔
كتائب القسام تنشر مشاهد لما قالت إنها عملية رصد واستهداف خيام تموضع القوات الإسرائيلية بجحر الديك#حرب_غزة #الأخبار pic.twitter.com/suz9otJTdK
— قناة الجزيرة (@AJArabic) December 5, 2023
ویڈیو میں اسرائیلی کیمپ کو قریب سے فلماتے دیکھا جا سکتا ہے، حماس کے جانبازوں نے ان اسرائیلی خیموں کو دو رز قبل بموں سے اڑایا تھا۔ کتائب القسام کی جانب سے غزہ کی گلیوں میں غاصب فوج پر حملوں کی ویڈیوز بھی جاری کی جا چکی ہیں۔
اسرائیلی قیدیوں کی زندگیوں کی ذمہ داری نیتن یاہو پر ہے: حماس ترجمان
ادھر اسرائیلی شہر عسقلان پر القسام بریگیڈ کے راکٹ گرنے سے 2 افراد زخمی ہونے کی اطلاع ہے، جن سے عمارت کو بھی نقصان پہنچا، حماس کے ساتھ غزہ میں لڑائی میں مزید 2 فوجی بھی ہلاک ہو گئے ہیں، اسرائیلی فوج نے تصدیق کر دی ہے۔
