بالی ووڈ اداکار رندیپ ہدا اور ان کی دوست لائشرام رشتہ ازدواج میں منسلک ہوچکے ہیں، تاہم اب رندیپ ہدا نے اپنی شادی کے موقع پر بنائی گئی ایک خوبصورت ویڈیو اپنے چاہنے والوں کے لئے جاری کی ہے۔
نوبیاہتا جوڑے نے مختصر ویڈیو میں خوشی کے لمحات شیئر کیے، جس میں وہ اپنے دوستوں اور خاندان کے افراد کے ہمراہ شادی کی خوشیاں منانے میں مصروف ہیں۔
رندیپ ہدا سفید رنگ کے منی پوری لباس میں ملبوس ہوکر شادی کے مقام پر پہنچے۔ اداکار کی شادی کی تقریب میں ان کے دوست اور خاندان کے دیگر افراد بھی انہیں مبارک باد دیتے ہوئے نظر آئے۔ ویڈیو میں دلہن لن لیشرم دلہن کے لباس میں خوبصورت لگ رہی ہیں۔
View this post on Instagram
ویڈیو میں دیکھا جاسکتا ہے کہ ریدیپ ہدا کی دلہن لن لیشرم نے شادی کاروایتی لباس زیب تن کیا ہوا ہے، دونوں پنڈال میں بیٹھے ہوئے ہیں۔ جبکہ جوڑے کی شادی کی رسومات بھی ہورہی ہیں۔
رندیپ ہدا اور لائشرام شادی کے بندھن میں بندھ گئے
ویڈیو کو شیئر کرتے ہوئے، رندیپ اور ان کی دلہن نے کیپشن میں لکھا کہ جب ہم اپنی شادی کے ان خوبصورت لمحات کو شیئر کر رہے ہیں، ہم آپ کی محبت کے لیے آپ سب کا شکریہ ادا کرتے ہیں۔