جرمن سیاح مائیکل ایورٹس سائیکل پر سات ماہ کے طویل سفر طے کرکے برلن سے دبئی پہنچ گئے۔
الامارات الیوم کے مطابق جرمن سیاح نے کوپ 28 کانفرنس میں شرکت کےلیے دبئی تک کا طویل سفرکیا، سیاح نے یہ سفر 7 ماہ میں طے کیا۔
جرمن سیاح مائیکل ایورٹس نے کہا کہ کوپ 28 جس کی میزبانی امارات کررہا ہے انتہائی اہم اہداف کے حصول کے لیے ہورہی ہے، متحدہ عرب امارات اور خصوصا دبئی کا دورہ کرکے خوشی ہورہی ہے۔
سیاح نے اپنے سفر سے متعلق بتایا کہ ’ میں نے اپنا یہ سفر 22 اپریل 2023 میں شروع کیا، 30 ملکوں کا سفر کرتے ہوئے دبئی پہنچا ہوں، میں جس ملک سے بھی گزرا وہاں جھے پذیرائی ملی ہے‘۔
مستقبل میں سائیکل پر سفر کرنے کے حوالے سے سیاح نے کہا کہ راس الرجا الصالح جانے کا پروگرام ہے، سفر طویل اور مشکل بھی ہے لیکن میں جانتا ہوں کہ یہ سفر کیسے طے کرنا ہے۔
جرمن سیاح مائیکل ایورٹس کا کا کہنا تھا میرا اصل مشن کرہ ارض پر زیادہ بہتر دنیا کے مستقبل کے حوالے سے آگہی پیدا کرنا ہے، دبئی کے بعد ان کی اگلی منزل مصری دارالحکومت قاہرہ ہوگی۔
انہوں نے مزید کہا میری خواہش ہے کہ لوگ زمین پر رہنے کے لیے مشترکہ مستقبل کی خاطر ایک دوسرے کے ساتھ مل کر کام کریں، میں چاہتا ہوں کہ تمام لوگ موسمیاتی تبدیلی سے نمٹنے کے حوالے کےلیے اپنا کردار ادا کریں۔
