شوبز انڈسٹری کی اداکارائیں اپنی صحت اور خوبصورتی کے حوالے سے کوئی سمجھوتہ نہیں کرتیں کیونکہ یہ ان کی کارکردگی اور کامیابی میں اہم کردار ادا کرتی ہیں۔
اس حوالے سے اے آر وائی ڈیجیٹل کے پروگرام گڈ مارننگ پاکستان میں اداکارہ فائزہ خان اور عروبہ مرزا نے بتایا کہ ان کے بال اتنے لمبے گھنے اور خوبصورت کیوں ہیں؟
پروگرام میں میزبان ندا یاسر کے ایک سوال کا جواب دیتے ہوئے انہوں نے بتایا کہ وہ اپنے بالوں میں کون سا تیل اور کون سی جڑی بوٹی استعمال کرتی ہیں۔
اداکارہ عروبہ مرزا نے بتایا کہ میں اپنے بالوں میں زیادہ تر سرسوں کا تیل استعمال کرتی ہوں اس کے علاوہ کوکونٹ آئل بھی لگاتی ہوں، انہوں نے بتایا کہ سردیوں میں کوکونٹ آئل زیادہ بہتر رہتا ہے کیونکہ اس سے بال بہت چمکدار اور مضبوط ہوتے ہیں۔
اداکارہ فائزہ خان کا کہنا تھا کہ میں زیادہ تر زیتون کا تیل استعمال کرتی ہوں اس کے اندر میں تازہ ایلو ویرا شامل کرلیتی ہوں میں نے اپنے گھر میں ہی ایلو ویرا کو پودا لگایا ہوا ہے جہاں سے مجھے تازہ مل جاتا ہے۔
انہوں نے بتایا کہ کبھی کبھار بالوں کی بہتر نشونما کیلئے پیاز کا پانی بھی لگاتی ہوں جس کا مجھے بہت اچھا رزلٹ ملتا ہے۔ اس کے علاوہ سرسوں کے تیل میں میتھی دانہ ڈال کر بھی استعمال کرتی ہوں۔
