’اینیمل‘ نے باکس آفس کے ساتھ ساتھ شائقین اور ماہرین کے دماغوں میں بھی پر تہلکہ مچادیا ہے، فلم کی اداکارہ سلونی باترا بھی رنبیر کے کردار کے حوالے سے بول پڑیں۔
سندیپ ریڈی وانگا کی فلم ’اینیمل‘ میں معاون کردار ادا کرنے والی اداکارہ سلونی باترا نے رنبیرکپور کے کردار کو زہریلا قراردیدیا۔ رن وجے کی بہن ریت کے طور پر نظر آنے والی سلونی بترا کا کہنا ہے کہ ہدایت کار نے انھیں بغیر کسی آڈیشن کے کاسٹ کیا کیونکہ وہ فلموں میں میرا کام دیکھ چکے تھے۔
انھوں نے کہا کہ فلم میں رن وجے (رنبیر) کا کردار جس طرح بات کرتا ہے اور برتاؤ کرتا ہے، وہ زہریلا ہے لیکن یہ کہانی ان کے بارے میں ہی ہے۔ سندیپ سر نے اپنی کہانی اپنے طریقے سے بیان کی ہے۔
اداکارہ نے کہا کہ ایک سامعین کے طور پر، یہ ہماری ذمہ داری ہے کہ ہم دیکھیں اور فیصلہ کریں کہ کیا صحیح ہے اور کیا غلط ہے۔
سلونی نے کہا کہ ایک عورت کے طور پر، اگر حقیقی زندگی میں کوئی میرے ساتھ ایسا کرے تو میں ناراض ہو جاؤں گی۔ ڈائریکٹرکوئی استاد نہیں ہے۔ وہ تفریح کے لیے ایک چیز بنا رہا ہے۔
قابل ذکر بات یہ ہے کہ عالمی باکس آفس پر فلم 500 کروڑ روپے سے زیادہ کما چکی ہے۔ تاہم پُرتشدد مناظر اور مردانہ موضوعات کے باعث فلم کے حوالے سے ناظرین کی آرا تقسیم ہوگئی ہے۔
