کراچی: خاتون کو قتل کرکے لاش ڈرم میں چھپانے والا پڑوسی نکلا ، مقتولہ خاتون ملزم کو پہچانتی تھی، ملزم نے پکڑے جانے کے خوف سے خاتون کو قتل کردیا۔
تفصیلات کے مطابق کراچی کے علاقے کورنگی انڈسٹریل ایریا انویسٹی گیشن پولیس نے کارروائی کرتے ہوئے خاتون کو قتل کرکے لاش ڈرم میں چھپانے والے ملزم کو گرفتارکرلیا۔
پولیس کا کہنا ہے ملزم کی نشاندھی پر لاش برآمد کرلی گئی ہے ، ملزم شہباز نے پڑوسی خاتون سے سونے کی بالیاں اور لاکٹ چھینا، مقتولہ خاتون ملزم کو پہچانتی تھی تو ملزم نے پکڑے جانے کے خوف سے خاتون کو تشدد کرکے قتل کرکے لاش ڈرم میں چھپا دی تھی۔
حکام نے بتایا کہ ملزم نے خاتون کو سر پر ہتھوڑا مارکر قتل کیا ، اور خاتون کی لاش ڈرم میں ڈال کر پڑوس میں اپنے گھر چھپا دی۔
خاتون کے لاپتہ ہونے پر اس کے شوہر نے مقدمہ درج کرایا تھا ، جس پر تفتیشی پولیس نے قتل کا سراغ لگا کر ملزم کو گرفتار کیا۔
