شوبز انڈسٹری کی معروف اداکارہ مزنا وقاص نے انکشاف کیا ہے کہ جس اکیڈمی میں پڑھاتی تھی وہاں ایک طالب علم میری محبت میں گھر تک پہنچ گیا تھا۔
اداکارہ مزنا وقاص نے حال ہی میں ویب شو کو انٹرویو دیا جس میں انہوں نے اپنے کیرئیر میں آنے والی مشکلات سمیت ذاتی زندگی کے حوالے سے چند انکشافات کیے۔
مزنا وقاص نے بتایا کہ میں کلاس میں پڑھانے گئی اس دوران ایک طالب علم مجھے دیکھے جارہا تھا پھر کہنے لگا کہ میری والدہ کا انتقال ہوگیا ہے ان کی مجھے بہت یاد آتی ہے مجھے آپ اپنی امی جیسی لگتی ہیں۔
View this post on Instagram
اداکارہ نے بتایا کہ ایک جگہ ساری ٹیچرز کی تصویر رکھی ہوئی تھی اس طالب علم نے وہاں سے میری پاسپورٹ سائز تصویر نکال کر اپنے والٹ میں رکھی ہوئی تھی وہ یہیں پر نہیں رکا، پتا نہیں اس کے ساتھ کوئی دماغی مسئلہ تھا اور وہ میرے گھر تک پہنچ گیا اس نے سالگرہ پر میرے گھر پر میرے ہی سائز کی تصویر بھیجی تھی۔
مزنا وقاص نے بتایا کہ سالگرہ کی تیاری میں مصروف تھی، دروازے پر دستک ہوئی تو میں نے آنٹی سے پوچھا کہ کون ہے وہ کہنے لگیں پارسل آیا ہے پتا نہیں کس نے بھیجا ہے واپس بھیجوں۔
View this post on Instagram
انہوں نے کہا کہ بچپن سے ہی طے تھا کہ میری سوتیلی والدہ کے بھتیجے سے شادی ہونی ہے، والد کے انتقال کے ایک سال بعد ہی ہمارا نکاح ہوگیا تھا، امی کو معلوم تھا کہ میری کسی سے اس طرح کی دوستی نہیں ہے۔
مزنا نے بتایا کہ ہم پارسل واپس کرنے لگے تو رائیڈر کہنے لگا کہ میری نوکری چلی جائے گی میرا کام تو پارسل پہنچانا ہے، میں نے کہا کہ جس نے پارسل بھیجا ہے اس کو کال کرو جب فون کیا گیا تو اس نے اٹھا لیا۔
اداکارہ نے بتایا کہ پھر میں نے اس کو کلاس سے نکلوا دیا تھا کیونکہ مجھے اس سے ڈر بھی لگنے لگا تھا۔
واضح رہے کہ مزنا وقاص نے اے آر وائی ڈیجیٹل کے ڈرامہ سیریل ’بے باجی‘ میں’رخشی‘ کا منفی کردار نبھایا تھا۔
