لاہور: پاکستان پیپلز پارٹی کے رہنما ندیم افضل چن نے سربراہ پی ٹی آئی کے خلاف گواہی نہ دینے کا اعلان کر دیا ہے۔
تفصیلات کے مطابق ندیم افضل چن نے سربراہ پی ٹی آئی کے خلاف گواہ بننے سے انکار کر دیا ہے، انھوں نے کہا کہ نیب نے پوچھا تھا اور مجھے جو پتا تھا بتا دیا، مگر عدالت میں گواہی نہیں دوں گا۔
ندیم افضل چن کا کہنا تھا کہ سربراہ پی ٹی آئی جیل میں ہیں ان کے خلاف عدالت میں گواہی نہیں دوں گا، آج وہ جیل میں ہیں، میرا مکتبہ فکر قیدیوں اور مظلوموں پر بولنے والا نہیں۔
