بھارت نے انڈر 19 ایشیا کپ میں پہلے بیٹنگ کرتے ہوئے 9 وکٹوں پر 259 رنز بنائے اور پاکستان کو جیت کے لیے 260 رنز کا ہدف دیا ہے۔
اے آر وائی نیوز کے مطابق دبئی میں کھیلے جا رہے انڈر 19 ایشیا کپ میں پاکستان نے ٹاس جیت کر پہلے فیلڈنگ کا فیصلہ کیا۔ بھارت نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 259 رنز بنائے یوں گرین شرٹس کو جیت کے لیے 260 رنز کا ہدف ملا ہے۔
پاکستان نے بھارت کی ابتدائی دو وکٹیں جلد حاصل کر لی تھیں تاہم اس کے بعد بلیو شرٹس بیٹنگ سنبھل گئی۔ بھارت کی پہلی وکٹ 39 اور 46 کے مجموعی اسکور پر گری، جس کے بعد اوپنر آدرش سنگھ اور کپتان ادے شرن کے درمیان 93 رنز کی پارٹنر شپ قائم ہوئی۔
260 is the target for Pakistan U19
Mohammad Zeeshan stars with the ball once again with 4️⃣ wickets and 2️⃣ each for Ubaid Shah and Amir Hassan #PAKvIND | #PakistanFutureStars pic.twitter.com/aYgxPzNr5K
— Pakistan Cricket (@TheRealPCB) December 10, 2023
بھارت کی جانب سے آدرش سنگھ، ادے شرن اور سچن دھاس نے نصف سنچریاں اسکور کرتے ہوئے بالترتیب 62، 60 اور 58 رنز اسکور کیے۔
پاکستان کی جانب سے بولنگ میں محمد ذیشان نے شاندار کارکردگی کا مظاہرہ کرتے ہوئے 46 رنز دے کر 4 وکٹیں حاصل کیں۔ عامر حسان، عبید شاہ نے دو، دو جب کہ عرفات منہاس نے ایک وکٹ حاصل کی۔
