واشنگٹن : امریکی محکمہ خارجہ کے ترجمان میتھیو ملر کا کہنا ہے کہ پاکستانی رہنماؤں کےانتخاب میں امریکا کا کوئی کردار نہیں۔
تفصیلات کے مطابق واشنگٹن میں ترجمان امریکی محکمہ خارجہ میتھیو ملر نے پریس بریفنگ دیتے ہوئے کہا کہ پاکستانی رہنماؤں کے انتخاب میں امریکا کا کوئی کردارنہیں۔
میتھیوملر کا کہنا تھا کہ ہم پاکستانی عوام کی منتخب قیادت کے ساتھ بات چیت کرتےہیں، تمام معاملات پرحکومت پاکستان کیساتھ بات چیت جاری رکھیں گے۔
پاک افغان تعلقات کے حوالے سے ترجمان نے کہا کہ افغانستان اور پاکستان کے درمیان مختلف مسائل کے سفارتی حل کی حمایت کرتے ہیں۔
ان کا مزید کہنا تھا کہ افغان پارلیمنٹ کے سابق ارکان کو کرپشن میں نامزد کرنے کیلئے کارروائی کررہےہیں، سابق ارکان پارلیمنٹ اور ان کے رشتے دار امریکا میں داخلے کیلئے نااہل قرار دیے گئے ہیں۔
امریکی ترجمان نے کہا کہ امریکی محکمہ خزانہ نے بدعنوانی میں ملوث افراد سے منسلک 44 کمپنیوں کو بھی نامزد کیا ہے۔
