اس ہوشربا مہنگائی کے دور میں تنخواہ میں گزارا کرنا اس لیے مشکل ہوگیا ہے کہ ہر چیز مہنگی ہونے کے باعث قوت خرید سے باہر ہوتی جارہی ہے، اس لیے خصوصاً خواتین کو گھر کے ماہانہ اخراجات پورے کرنا مشکل ہوجاتا ہے۔
یاد رکھیں کہ گھریلو بجٹ مرتب کرنے سے آپ کافی حد تک اس مشکل سے نکل آئیں گی اور ساتھ ہی رقم کو کس طرح خرچ کرنا ہے یہ جاننا بھی ضروری ہے۔
اے آر وائی ڈیجیٹل کے پروگرام گڈ مارننگ پاکستان میں گفتگو کرتے ہوئے شوبز کی معروف اداکارہ شرمین علی نے گھریلو بجٹ میں بچت کرنے کے کچھ طریقے بیان کیے۔
انہو ں نے کہا کہ اگر آپ کے پاس زیادہ پیسہ ہے یا نہیں لیکن پھر بھی پیسہ اس لیے ہرگز نہیں ہوتا کہ فضول خرچی کی جائے۔ سستے کپڑے خرید کر بھی پہنے جاسکتے ہیں ضروری نہیں کہ برانڈڈ سوٹ ہی خریدنا ہے۔
اس موقع پر پروگرام کی میزبان ندا یاسر نے بتایا کہ کافی سال پہلے میں نے بھی فٹ پاتھ سے ایک تھری پیس سوٹ کا کپڑا ڈیڑھ سو روپے میں خرید کر بنایا تھا۔
خواتین کو گھریلو اخراجات کے ساتھ ساتھ بعض ایسے اخراجات سے بھی نبرد آزما ہونا پڑتا ہے جو ان کے وہم و گمان میں بھی نہیں ہوتے اس قسم کے اخراجات کو پورا کرنے کے لئے خواتین کو کچھ نہ کچھ پیسے بچالینے چاہئیں، لہٰذا خواتین کے لئے بچت کی عادت اپنانا بہت ضروری ہے۔
