کراچی: سندھ کے شہر پنوں عاقل میں مردہ جانوروں کی ہڈیوں سے تیار گھی اور تیل پکڑا گیا ہے۔
تفصیلات کے مطابق سندھ فوڈ اتھارٹی سکھر نے پنوں عاقل میں مردہ جانوروں کی ہڈیوں سے گھی اور تیل بنانے والوں کے خلاف آپریشن کیا ہے، جس میں بہت سارا تیل پکڑا گیا۔
یہ آپریشن ڈائریکٹر جنرل سندھ فوڈ اتھارٹی آغا فخر حسین کی ہدایت پر کیا گیا، جس میں سندھ فوڈ اتھارٹی کی ٹیم نے متعدد ڈرموں میں موجود مضر صحت گھی اور تیل ضائع کر دیا۔
- Advertisement -
ڈائریکٹر جنرل آغا فخر حسین نے کہا کہ مردہ جانوروں کی ہڈیوں سے گھی اور تیل بنانے والوں کے خلاف قانون کے مطابق کارروائی کی جا رہی ہے، سندھ فوڈ اتھارٹی کھانے پینے کی اشیا میں ملاوٹ کرنے والوں کے خلاف بلا امتیاز کارروائی کر رہی ہے۔
