بھارت کرکٹ ٹیم کے فاسٹ بولر محمد شامی نے سجدہ کرتے کرتے رُک جانے کی بحث میں بلآخر خاموشی توڑ دی۔
ورلڈ کپ میں سری لنکا کے خلاف 5 وکٹیں حاصل کرنے کے بعد بھارتی بولر محمد شامی سجدہ کرنے کے انداز میں جھکے لیکن پھر واپس کھڑے ہوگئے جس کے بعد یہ مسئلہ سوشل میڈیا پر ٹاپ ٹریند بن گیا تھا۔
Question for #DanishKaneria: Mohammad Shami was clearly about to go for a Sajdah but then opted against it. Any idea why he may have suddenly changed his mind?@DanishKaneria61 #MuhammadShami pic.twitter.com/pnhKWLS2OG
— Wafa Yasir Laghari (@Wafa_Yasir93) November 3, 2023
تاہم اب 2023 ورلڈ کپ کے کچھ دن بعد ایک انٹرویو کے دوران بھارتی بولر محمد شامی نے ایک قابل ذکر بیان کے ساتھ اپنے ناقدین کو خاموش کر دیا، اس میچ میں بھارتی بولر نے پانچ وکٹیں کی تھیں۔
کیا محمد شامی سجدہ کرتے کرتے رک گئے؟
محمد شامی نے کہا کہ اگر میں سجدہ کرنا چاہتا تو مجھے کون روک سکتا تھا، اس میں کیا حرج ہے؟ میں فخر سے کہتا ہوں کہ میں بھارتی مسلمان ہوں۔
انہوں نے کہا کہ اگر مجھے سجدہ کرنے کیلئے بھی کسی سے اجازت کی ضرورت پڑے تو پھر میں اس ملک میں کیوں رہتا؟ میں نے پہلے بھی کبھی 5 وکٹیں حاصل کرنے کے بعد سجدہ نہیں کیا۔
محمد شامی نے مزید کہا کہ اگر میں سجدہ کرنا چاہتا تو کرتا، اس میں مسئلہ ہی کیا ہے؟ اگر میں سجدہ کرنا چاہوں تو بھارت میں ہر جگہ سجدہ کرسکتا ہوں۔
