لاہور : فوڈ سیفٹی ٹیم نے راولپنڈی میں کارروائی کرتے ہوئے 1567 کلو مضر صحت گوشت تلف کردیا ، مضر صحت گوشت کباب بنانے کے لیے استعمال ہو رہا تھا۔
تفصیلات کے مطابق پنجاب فوڈاتھارٹی نے مضر صحت گوشت سے کباب بنانے والے یونٹ پر چھاپہ مارا۔
فوڈ سیفٹی ٹیم نے راولپنڈی میں کارروائی کرتے ہوئے 1567 کلو مضر صحت گوشت تلف کردیا ، ڈپٹی ڈائریکٹر آپریشن کی سربراہی میں ٹمبر مارکیٹ میں موجود کیٹرنگ یونٹ پر چھاپہ مارا گیا۔
- Advertisement -
ڈی جی فوڈ اتھارٹی کا کہنا تھا کہ مضر صحت گوشت کباب بنانے کے لیے استعمال ہو رہا تھا، مضر صحت گوشت کےکباب بنانے پر یونٹ کو اصلاح تک بند کر دیا۔
پنجاب فوڈ اتھارٹی نے کہا کہ گوشت کی مالیت تقریباً14 لاکھ سے زائد تھی جوانسانی استعمال کے لیے مضر صحت تھا، مضر صحت گوشت کی اسٹوریج پر ملزمان کیخلاف مقدمہ درج کروایا گیا ہے۔
