کراچی کے علاقے لانڈھی میں کار کی ٹکر سے گھر کے باہر کھیلتا 8 ماہ کا بچہ جاں بحق ہوگیا۔
اے آر وائی نیوز کے مطابق کراچی کے علاقے لانڈھی نمبر ایک میں نانی کے ساتھ گلی میں کھیلتا 8 ماہ کا بچہ ولی محمد کار کی ٹکر سے جاں بحق ہوگیا۔
پولیس کے مطابق ڈرائیور بچے کو اسپتال منتقل کرنے کے بعد فرار ہوگیا۔
- Advertisement -
بچے کے والد پولیس کو بتایا کہ کار سوار شہری نے اپنا نام اویس بتایا، ڈرائیور نے حادثے کے بعد بچے کو اسپتال منتقل کیا اور پھر فرار ہوگیا۔
پولیس کا بتانا ہے کہ لانڈھی ایک نمبر کا رہائشی بچہ گھر کے باہر نانی کی گود میں تھا، بچہ کھیلتا ہوا گود سے اترا اور چلنے کی کوشش کرتے ہوئے گلی میں آگیا۔
تفتیشی حکام کے مطابق گلی سے گزرنے والی کار نے 8 ماہ کے ولی محمد کو کچل دیا۔
