آرمینیا کے نوجوان نے چلتے ٹرک پر 44 پل اپس کرکے عالمی ریکار بنادیا۔
آرمینیائی نوجوان نے دو چلتے ہوئے ٹرک کے درمیان کھڑی بار پر 44 اپل پس کرکے عالمی ریکارڈ قائم کیا جس کی ویڈیو گنیز بک آف ورلڈ کی جانب سے شیئر کی گئی ہے۔
18 سالہ گریگور مانوکیان نے یہ کارنامہ اپنے کوچ رومن سحرادیان کے ساتھ تربیت حاصل کرنے کے بعد انجام دیا۔
اس دوران ٹرکوں کو کم از کم 3.1 میل فی گھنٹہ کی رفتار برقرار رکھنا تھی۔
مانوکیان نے 35 پل اپس کا پچھلا ریکارڈ توڑا ہے جو 2022 میں تیزیو عرف دی اٹالین بٹرفلائی نے قائم کیا تھا۔
New record: Most consecutive pull ups on a bar positioned between two moving trucks – 44 by Grigor Manukyan (Armenia) pic.twitter.com/Mf2tg807be
— Guinness World Records (@GWR) December 18, 2023
انہوں نے جی ڈبلیو آر حکام کو بتایا کہ میری سخت تربیت کی وجہ سے یہ ریکارڈ میرے لیے مشکل نہیں تھا، مجھے لگتا ہے کہ میں 50 پل اپس کرسکتا تھا لیکن میں نے 44 پر ہی رکنے کا فیصلہ کیا۔
مانوکیان کا کہنا تھا کہ 44 پل اپس پر اس لیے رکا تاکہ اپنے ریکارڈ کو ان ہیروز کے نام کرسکوں جو 44 روزہ آرٹسخ کی بدقسمت جنگ میں ہلاک ہوگئے تھے جس میں ہزاروں آرمینیائی شہری بھی شامل تھے۔
آرمینیائی نوجوان نے کہا کہ وہ اس وقت ہوائی جہاز سے پل اپ کرنے کے لیے اسی طرح کا ریکارڈ بنانے کی تربیت حاصل کررہے ہیں۔
