کیپٹل ہل حملہ کیس میں سابق امریکی صدر ڈونلڈ ٹرمپ کو کولوراڈو کی سپریم عدالت نے صدارتی الیکشن کیلئے نااہل قرار دیدیا۔
بین الاقوامی خبر رساں ادارے کی رپورٹ کے مطابق ڈونلڈ ٹرمپ کو امریکی ریاست کولوراڈو کی سپریم کورٹ نے صدارتی الیکشن کی پرائمری کے لیے نااہل قرار دیا۔
امریکی ریاست کولوراڈو کی سپریم کورٹ کے مطابق کیپٹل ہل پر حملے میں ملوث ہونے کی وجہ سے ٹرمپ امیدوار بننے کے اہل نہیں۔
واضح رہے کہ امریکی تاریخ میں یہ پہلا موقع ہے کہ کسی عدالت نے صدارتی امیدوار کو 1868 کی شق کے تحت نااہل قرار دیا ہے۔
عدالتی فیصلے کا اطلاق صرف کولوراڈو پر ہوگا، عدالتی فیصلے کو سابق امریکی صدر ڈونلڈ صدر ٹرمپ کی انتخابی مہم نے غلط اور غیر جمہوری قرار دیا ہے۔
اسرائیل نواز پالیسیوں کے باعث بائیڈن کا اگلی بار صدر بننا مشکل ! نیویارک ٹائمز سروے
سابق امریکی صدر کے ترجمان نے فیصلے کو غیر جمہوری قرار دیتے ہوئے امریکی سپریم کورٹ میں اپیل کرنے کا اعلان کیا ہے۔ ٹرمپ 4 جنوری تک کولوراڈو عدالت کے فیصلے کے خلاف اپیل کا حق رکھتے ہیں۔
