کراچی کے علاقے اولڈ سٹی ایریا ٹمبر مارکیٹ کے قریب فائرنگ سے تاجر جاں بحق ہوگیا۔
اے آر وائی نیوز کے مطابق کراچی کے علاقے ٹمبر مارکیٹ کے قریب دو ملزمان نے دکان میں گھس کر فائرنگ کی جس کے نتیجے میں تاجر شہزاد جعفرانی جاں بحق ہوگیا۔
مقتول تاجر شہزاد جعفرافی لکڑی کا کاروبار کرتا تھا۔
پولیس حکام کا کہنا ہے کہ واقعہ بظاہر ٹارگٹ کلنگ کا معلوم ہوتا ہے، لواحقین کے بیانات لینے کے بعد صورتحال واضح ہوجائے گی۔
ٹمبر مارکیٹ کے تاجر شہزاد جعفرانی کو کیسے قتل کیا گیا سی سی ٹی وی فوٹیج سامنے اگئی pic.twitter.com/qUIXSxdFyz
— Nazir Shah (@SsyedHhussain) December 20, 2023
پولیس کا کہنا ہے کہ مارکیٹ صدر ودیگر افراد سے معلومات حاصل کی ہیں، بھتے سے متعلق کوئی شکایت سامنے نہیں آئی ہے۔
تفتیشی حکام کا کہنا ہے کہ مقتول کا کسی سیاسی جماعت سے تعلق سامنے نہیں آیا ہے۔
تاجر رہنما شرجیل گوپلانی کا کہنا ہے کہ دو موٹر سائیکل سوار ملزمان نے فائرنگ کی، ملزمان نے دکان میں داخل ہوکر تاجر کو قتل کیا۔
انہوں نے بتایا کہ ملزمان ہوائی فائرنگ کرتے ہوئے فرار ہوگئے۔
