کراچی میں ٹریفک پولیس اہلکاروں کی شہریوں کو گریبان سے پکڑ کر چالان کرنے کی ویڈیو وائرل ہوگئی۔
اے آر وائی نیوز کے مطابق کراچی کے علاقے محمود آباد میں شہریوں کو گریبان سے پکڑ کر چالان کرنے کا واقعہ پیش آیا ہے، شہریوں نے ٹریفک پولیس اہلکاروں کی بدسلوکی کی ویڈیو بنا کر وائرل کردی۔
ویڈیو میں دیکھا گیا کہ ٹریفک پولیس اہلکار بغیر ہیلمٹ موٹرسائیکل سوار نوجوان کو گریبان سے پکڑ کر کھینچ رہے ہیں۔
وائرل ویڈیو کے بعد ڈی آئی جی ٹریفک نے اسسٹنٹ سب انسپکٹر محمود الرشید کو معطل کرتے ہوئے لائن رپورٹ کرنے کے احکامات جاری کردیے۔
ڈی آئی جی کا کہنا ہے کہ اسسٹنٹ سب انسپکٹر محمود الرشید کی ویڈیو وائرل ہوئی جس میں اہلکار نے شہری سے بداخلاقی کا رویہ اختیار کیا۔
