وہاڑی: پیپلزکالونی میں زہریلی شراب پینے سے 2 افراد زندگی کی بازی ہار گئے۔ جبکہ زہریلی شراب پینے والا ایک نوجوان اسپتال میں زیرعلاج ہے۔
اے آر وائی نیوز کے مطابق پولیس ذرائع کا کہنا ہے کہ وہاڑی پیپلز کالونی میں زہریلی شراب پینے سے 2 افراد ہلاک ہوگئے، جبکہ ایک شخص اسپتال میں زیرعلاج ہے، پولیس تھانہ سٹی نے واقعے کی تحقیقات کا آغاز کردیا ہے۔
دوسری جانب کراچی کے علاقے فائیو اسٹار چورنگی کے قریب فائرنگ کرکے ایک شخص کو قتل کردیا گیا۔
پولیس ذرائع کا کہنا ہے کہ مقتول کی شاپنگ سینٹر میں چپل کی دکان ہے، مقتول موٹرسائیکل پر بھائی کے ہمراہ جارہا تھا۔ خوش قسمتی سے حملے میں مقتول کا بھائی محفوظ رہا۔
شاہ فیصل کالونی میں پولیس افسرکو فیملی کے ہمراہ لوٹ لیا گیا
پولیس کے مطابق مقتول اورنگی سیکٹر 10 کا رہائشی تھا، نامعلوم موٹر سائیکل سوار ملزمان نے فائرنگ کی، جبکہ فائرنگ کا واقعہ ذاتی دشمنی کا شاخسانہ معلوم ہوتا ہے۔
